Ekintza honetan datza:
2010. urtean lau pantaila elektroniko jarri ziren udalerrian; udaletxean, mediku-etxean, herriko ostatuan eta herriko dendan.

Udaletxeko informazio guztia pantaila hauetan azaltzen da. Baina herritarrak udaletxean eta hainbat herri bileretan informazioa ez delako iristen kexatzen dira, pantailak dauden lekuetara ez baldin badira joaten ez dutelako informaziorik jasotzen. Honela, hainbat gai garrantzitsu Udalak paperean bidali beharra izan du etxeetara.

Hau ekiditeko asmotan, bigarren pauso bat eman nahi da eta ondorengo bi ekintza hauek egingo dira:

• Udal informazioa internet bidez herritarrengana bideratu.
• Elkarte ezberdinetan informazio tableroak jarri.

Bi ekintza hauekin Udal informazioa herritar guztiengana iristen dela bermatzen da.
Ekintza honen berri azaroaren 25ean, ostirala, eskualdeko komunikabideetan (Goierriko Hitza, Diario Vasco,...) emango da.