Hondakinak Kudeatzeko Europako Astean gauzaturiko ekintzarik azpimarragarrienak saritzen dira urtero Hondakinak Prebenitzeko Europako Sarietan.

Aukeraketa-prozesua

Jarduera bakoitza dagokion proiektu-arduradunak aurkeztu behar du, eta HHKO - Hiri Hondakinen Koordinazio Organoak (Europako Astearen antolatzailea, EAEn) hura ontzat emanez gero, Hondakinak Prebenitzeko Europako Sarien hautagai izatera pasatuko da.

Hala eta guztiz, proiektu-arduradunek haien hautagaitza ezeztatzeko aukera izango dute; horretarako, izena emateko inprimakian adierazi behar dute sari-banaketan parte hartzerik ez dutela nahi.

Europako Astea bukatutakoan, EAEko Hondakinak Koordinatzeko Organoak (HHKO) gehienez ere 6 jarduera aukeratuko ditu (jarduera bat kategoria bakoitzeko) eta hautagaitza horiek 2022ko Hondakinak Prebenitzeko Europako Asteko Sarirako lehiatuko dira, EBko herrialde kideetako gainerako hautagaitzekin batera.

Europako Astea amaitutakoan, HHKOk gehienez bost jardueraren aurreaukeraketa egingo du (jarduera bana kategoriako).

Aukeraketa-irizpideak

• Komunikazio- eta agerikotasun-alderdiak.
• Jardunbide egokiak, originaltasuna eta eredugarritasuna.
• Edukien kalitatea (hondakinen prebentzioa izan behar dute ardatz).
• Ekimena Europako beste herrialde batzuetan gauzatzeko aukera.
• Eraginaren iraupena, eragin nabarmena eta epe luzerakoa.

Epaimahaia

Europan aintzatespena duten ingurumen-arloko adituek eta hondakinen prebentzioaren arloko profesionalek osatuko dute epaimahaia.