Ihobek adituen foro batean parte hartu du, planetaren etorkizuna segurtatzen duen ekonomia zirkularraren beharra gogoratzeko

Sozietate Publikoa Ihobe — Wed, 21 Jun 2023 00:00:00 +0200

Ingurumenaren alorrean, funtsezkoa da gizartea birziklapenaren beharraz kontzientziatzea, beharrezkoak diren bitartekoak herritarren esku jartzea, eta alderdi guztiak hondakinen kudeaketa egokiaren lorpenean inplikatzea; horixe da Hondakinen etorkizuna forotik ateratako konklusio nagusietako bat.

Hondakinak Prebenitzeko Europako Asteak sari bat eman dio Bizkaiko St. George's School ikastetxeari, ehun-materiala birziklatuz zarata murrizteko abiarazitako proiektuagatik

Sozietate Publikoa Ihobe — Thu, 01 Jun 2023 00:00:00 +0200

Leioako St. George's British International School ikastetxea (Bizkaia) Europa osoan aurkeztu diren 16.129 ekintzetako 16 finalisten artean Hondakinak Prebenitzeko Europako Asteko sarien “Ikastetxea”ren kategorian garaile irten den EAEko hautagaitza; sari-banaketa Dublinen (Irlanda) izan da.

Europako ICEBERG proiektuak azterketa-kasu guztiak martxan dituela ekingo dio bere jardueraren azken urteari

Sozietate Publikoa Ihobe — Fri, 05 May 2023 00:00:00 +0200

TECNALIA Research & Innovation buru duen ICEBERG proiektuak, zeinean Europako hamar herrialdetako 35 erakunde publiko eta pribatuk parte hartzen duten, azken urtean, aurrerapen garrantzitsuak izan ditu eraikuntzako materialen birziklapenari, argitalpen zientifiko berriei eta martxan dauden patenteei dagokienez. Holandan izan zen proiektu-kide diren erakundeen batzar orokorra apirilaren 17, 18 eta 19an. Batzar horretan, azken hiru urteetan lortutako aurrerapenak aurkeztu ziren, eta sei azterketa-kasuetan eta jarduera-arlo desberdinetan egindako lana errepasatu zen.

Eusko Jaurlaritzak ibilbide-orria aurkeztu du hondakinen isuriak minimizatzeko eta 2024rako instalazioen autosufizientzia bermatzeko

Sozietate Publikoa Ihobe — Wed, 16 Nov 2022 00:00:00 +0100

2030era arteko epemugarekin, birziklatzea eta balorizazioa bultzatuko ditu; bigarren mailako materialei erabilera berriak emango dizkieten dekretuak onartzea, isurketen euskal kanona ezartzea, eta instalazio publiko eta pribatu batzuk aldi baterako zabaltzea aurreikusten du, Euskadiko Hondakinak Prebenitzeko eta Kudeatzeko Plana betez.

Tapiak ekonomia zirkularra bultzatzeko ekodiseinuari buruzko araudi berria defendatu du EBko Ingurumeneko Ministroen Kontseiluan

Sozietate Publikoa Ihobe — Mon, 24 Oct 2022 00:00:00 +0200

Astelehen honetan, Arantxa Tapia sailburuak Europar Batasuneko Ingurumeneko Ministroen Kontseiluan parte hartu du Luxenburgon, autonomia-erkidegoen izenean, Europako Araudiaren proposamenaren aurrean duten jarrerari buruz hitz egiteko. Araudi horren helburua, produktu jasangarriei aplikatu beharreko ingurumen-diseinuko baldintzak ezartzea da.

Ihobek ekoberrikuntza defendatu du Irlandan, enpresetan ekonomia zirkularra bultzatzeko tresna gisa

Sozietate Publikoa Ihobe — Fri, 07 Oct 2022 00:00:00 +0200

Ihobe sozietate publikoko ekoberrikuntzan eta ekonomia zirkularrean aditua den Ander Elgorriagak Irlandan aurkeztu ditu Euskadik ekoberrikuntzan lortutako aurrerapenak, emaitzak eta jardunbide egokiak, ekonomia zirkular baterantz aurrera egiten lagungarri direnak. Europako Batzordearen ingurumen-arloko TAIEX aditu-taldearen ekonomia zirkularrari buruzko nazioarteko lantegian izan da, urriaren 4tik 6ra Midlands-en (Irlanda), eta hitzordu garrantzitsua da ekonomia zirkularreko ezagutzak eta praktika hobeak trukatzeko.

TECNALIA eta GAIKER zentro teknologikoek ICEBERG Europako Proiektuaren batzar nagusia hartuko dute aste honetan, zeinetan sei euskal erakundek parte hartzen duten

Sozietate Publikoa Ihobe — Thu, 06 Oct 2022 00:00:00 +0200

Euskadi ICEBERG Proiektuko kideen batzar orokorraren egoitza da atzotik. TECNALIA Research & Innovation da proiektuaren burua, eta Europako hamar herrialdetako 35 erakunde publiko eta pribatuk parte hartzen dute. Gaiker zentro teknologikoak antolatutako topaketa atzo hasi zen Zamudion, eta bihar arte luzatuko da. Helburua, bi azken urteotan lortutako aurrerapenak ebaluatzea da.

Uvesco eta Axular Lizeoa europar sari bat lortzeko hautagaiak dira hondakinak murriztu, berrerabili eta birziklatzeagatik

Sozietate Publikoa Ihobe — Wed, 04 May 2022 00:00:00 +0200

Uvesco eta Axular Lizeoa dira Hondakinen Prebentzioaren Europako Astearen sariaren ekintza onenaren finalista izatea lortu duten bi euskal hautagaitzak, Europako osoko 12 hautagaitzaren artean, hurrenez hurren Industriaren eta Ikastetxeen kategorian.

Reciclanet, Uvesco, Axular Lizeoa eta Arabako Foru Aldundia dira Hondakinen Prebentziorako Europako XIII. Sarirako hautagaiak

Sozietate Publikoa Ihobe — Wed, 16 Feb 2022 00:00:00 +0100

2021eko azaroaren 20tik 28ra bitartean egin zen Hondakinak Prebenitzeko Europako Astea (EWWR, ingelesezko sigletan), eta 136 ekintza mobilizatu zituen Euskal Autonomia Erkidego osoan; horien artean, lau aukeratu dira ekintza onenaren saria jasotzeko, Enpresa, Herri Administrazio, Elkarte/GKE eta Hezkuntza Zentroaren kategorietan.

130 gaztek jaso dituzte ekonomia zirkularreko prestakuntza eta praktikak Basque Circular Hub-i esker

Sozietate Publikoa Ihobe — Thu, 23 Dec 2021 00:00:00 +0100

Eusko Jaurlaritzako Ingurumen Jasangarritasuneko sailburuorde Amaia Barredok eta Bilboko Udaleko Zerbitzu eta Bizi Kalitateko zinegotzi Kepa Odriozolak eman dizkiete diplomak, gaurko ekitaldian, ekonomia zirkularraren arloko prestakuntza espezializatua eta praktikak jaso dituzten 130 gazteren lehen taldeari, Basque Circular Hub-en bidez, hain zuzen (Europako Hegoaldeko ekonomia zirkularreko zerbitzu aurreratuen lehen zentroa).

Ihobek gida bat argitaratu du eraikuntza industrializatu jasangarria Euskadin bultzatzeko

Sozietate Publikoa Ihobe — Thu, 16 Dec 2021 00:00:00 +0100

XX. mendean nagusitu zen eraikuntza-sistema forjatu lauko hormigoizko egiturez eta itxitura zeramikoz osatuta zegoen, eta nagusitasun horrek bere horretan dirau mende honetan. Azken hamarkadetan eraikitako etxebizitza-eraikinen % 90 baino gehiago mota horretakoak dira, hainbesteraino non obren gauzapenaren errendimendu eta kostuen inguruan eskura dagoen informazio gehiena sistema horri buruzkoa baita; azken urteetan, haatik, iraultza bat bultatzen ari da sektore honetan, eta aurreikusten da eraikuntza tradizionala gainditzera ere iritsi daitekeela: eraikuntza industrializatu jasangarria.

130 ekintza baino gehiagok bultzatzen dute EAE osoan Hondakinak Prebenitzeko Europako Astea

Sozietate Publikoa Ihobe — Thu, 25 Nov 2021 00:00:00 +0100

Hondakinak Prebenitzeko Europako Astea Europako Batzordearen ekimen bat da, eta bere helburua da hondakinen sorrera prebenitzeko eta minimizatzeko sentsibilizazio-ekintzak sustatzea eta ezartzea. Aurten, EWWRren gaiak komunitate zirkularrak bultzatzen ditu, lurraldetik hurbilago dagoen ikuspuntu bat tokiko ikuspegi batekin, hondakinen sorrera prebenitzera bideratuta.

Ekoetxeak ehun-hondakinen kudeaketari buruzko ekitaldi bat sustatuko du, Euskal Autonomia Erkidegoan Hondakinak Prebenitzeko Astearen barruan

Sozietate Publikoa Ihobe — Tue, 23 Nov 2021 00:00:00 +0100

EAEn Hondakinak Prebenitzeko Astea dela eta, Fashion Revolution Euskadik bat egin du Eusko Jaurlaritzaren Hondakinak Prebenitzeko Europako Astearekin eta Ingurumena Kudeatzeko Sozietate Publikoarekin, hots, IHOBErekin. Horri dagokionez, ekitaldi bat egingo da, Ekoetxea ingurumen-zentroen sarearen programazioaren barruan. Azaroaren 27an egingo da, ehungintzako hondakinen kudeaketak dakarren aukera-sorta aztertze aldera. Horrek guztiak ehungintzako hondakinen kudeaketa irudikatzen du XXI. mendean, hainbat ikuspegitatik.

Basque Green Deal Gunea, Europako itun berdearen espiritua hedatzeko foroa, Bilbora iritsiko da

Sozietate Publikoa Ihobe — Tue, 16 Nov 2021 00:00:00 +0100

Basque Green Deal Gunea Bilbon egongo da azaroaren 20tik 28ra bitartean, jasangarritasunarekin konprometitzeko xedez egunerokotasunean har daitezkeen erabakien inguruko hausnarketa bultzatzeko; efizientzia, energiaren kontsumo arrazional, produktu hurbilen kontsumo, berrerabilpen eta birziklapenarekin lotutako irizpideekin lerrokatzea etxeko eremutik ere egin daiteke.

Eusko Jaurlaritzak, 2030erako, % 85 murriztuko du hondakindegira doazen hondakinen kopurua

Sozietate Publikoa Ihobe — Tue, 02 Nov 2021 00:00:00 +0100

Ekonomiaren Garapen, Jasangarritasun eta Ingurumeneko sailburu Arantxa Tapiak gaur Gobernu Kontseiluak onartu duen 2030erako Euskadiko Hondakinen Prebentzio eta Kudeaketa Plana aurkeztu du; planak Euskadik datorren hamarkadan jarraitu beharreko estrategia markatuko du.

Ihoberen gida bat, merkataritza elektronikoko bilgarrien ekonomia zirkularra eta jasangarritasuna sustatzeko ikastaro baten oinarri

Sozietate Publikoa Ihobe — Wed, 27 Oct 2021 00:00:00 +0200

Ihobek, AECOCek eta Ecoembesek «Merkataritza elektronikoko ontziak eta bilgarriak optimizatzeko gomendioak» izeneko txostena prestatu dute. Horren bidez, ikastaro berri baten oinarriak ezarri dituzte, helburu honekin: merkatuan bilgarriak jartzen dituzten enpresen artean bilgarrien zirkulartasuna eta jasangarritasuna sustatzea.

Basque Green Deal Gunea, Europako itun berdearen espiritua zabaltzeko Euskadi zeharkatuko duen foroa abian jarri da

Sozietate Publikoa Ihobe — Sun, 24 Oct 2021 00:00:00 +0200

Europar Batasunak 2019ko abenduan proposatutako Europako Itun Berdea edo European Green Deal mekanismo nagusienetakoa da EBko kide diren herrialdeei krisitik ateratzen eta etorkizun jasangarriagoa lortzen laguntzeko. Itun Berdea Europar Batasunak 2050ean neutraltasun klimatikoa lortzea ahalbidetuko duen hazkunde-estrategia da.

Eusko Jaurlaritzak 13 milioi euro bideratuko ditu ekonomia zirkularra sustatzeko diru-laguntzetara

Sozietate Publikoa Ihobe — Wed, 20 Oct 2021 00:00:00 +0200

Eusko Jaurlaritzako Ekonomiaren Garapen, Jasangarritasun eta Ingurumen Sailak 13 milioi euroko laguntza-ildo bat deitu du udal-hondakinen eta ontzien eta ontzi-hondakinen kudeaketaren arloan Europar Batasunak ezarritako helburu berriak betetzen direla bermatzeko behar diren inbertsioak bizkortzeko. Gaur argitaratu da agindua Euskal Herriko Agintaritzaren Aldizkarian, eta eskaerak aurkezteko epea abenduaren 15era arte luzatuko da.

Gasteizko Udalak herritarren artean erreparazio-zerbitzuak sustatzeko kanpaina jarri du abian

Sozietate Publikoa Ihobe — Mon, 18 Oct 2021 00:00:00 +0200

Egungo kontsumo-ereduarekin hausten duen komunitate bat sortzea, “Konponder” komunitatea hain zuzen ere, etxean ditugun arropen, etxetresna elektrikoen, altzarien eta abarren bizitza luzatuz. Eta tokiko mailan egitea. Gure hirian lan egiten duten konponketa-profesionalen bitartez. Hori da Konpondu proiektuaren helburua. Gaur aurkeztu dute Ingurumen Plangintza eta Kudeaketako zinegotzi César Fernández de Landak, Merkataritza, Prestakuntza eta Enplegu zinegotzi Igor Salazarrek eta Ihobe sozietateko Jasangarritasun zuzendari Xabier Gonzálezek. Azken erakunde horrek proiektuaren finantzaketan ere hartzen du parte Udalsarea 2030-Udalerri Jasangarrien Euskal Sarearen bitartez.

Komunitate zirkularrak sortzea, Hondakinak Prebenitzeko Europako Astearen 2021eko edizioaren ardatz nagusia

Sozietate Publikoa Ihobe — Wed, 06 Oct 2021 00:00:00 +0200

Hondakinak Prebenitzeko Europako Astea (EWWR, ingelesezko siglengatik) Europan hondakinak prebenitzeari dagokionez kontzientzia sortzeko dagoen kanpainarik handiena da. Tokiko eta eskualdeko agintari publikoek bultzatuta, mota guztietako aktoreak biltzen ditu (herritarrak, eskolak, enpresak, GKEak, elkarteak, etab.), eta aurten azaroaren 20tik 28ra egingo da, Komunitate zirkularrak goiburuarekin. Kanpainan parte hartzeko ekintzak doan erregistratzeko epea jada ireki da eta datorren azaroaren 12ra arte iraungo du.

EKOADRILA kanpaina aurkeztu dute Eusko Jaurlaritzak, Ecovidriok eta Ecoembesek, hondakinei “bigarren bizitzak” emateko eta Euskadik birziklapenean emandako erantzuna eskertzeko

Sozietate Publikoa Ihobe — Thu, 22 Jul 2021 00:00:00 +0200

Kalean da jada Ecovidrio, Ecoembes eta Eusko Jaurlaritzaren birziklatze-kanpaina, ontziei bigarren bizitzak emateak duen garrantzia nabarmentzen eta Euskadik birziklatzen emandako erantzun-maila handia eskertzen oinarritua. Ekoadrilak uda osoan zehar animatuko du ondo birziklatzen jarraitzera, tona birziklatuen portzentajean Estatu mailan aitzindari izateko ez ezik, baita 2030erako Europako helburuekin lerrokatuta iristeko ere, ontzien % 75 berreskuratuta (gaur egun % 63koa da tasa).

Eusko Jaurlaritzak, 2030erako, % 85 murriztuko du hondakindegira doazen hondakinen kopurua

Sozietate Publikoa Ihobe — Mon, 25 Jan 2021 00:00:00 +0100

Arantxa Tapia sailburuak, gaur, Hondakinen Prebentziorako eta Kudeaketarako Planaren (2030 HPKP) edukiaren berri eman du; 97 milioi euroko inbertsioa egingo da.
Helburua da hondakin ez-arriskutsuen % 85 bigarren mailako baliabide bilakatzea eta % 15 baino gutxiagora murriztea hondakindegietara doazenak.
Gainera, % 30 murriztu nahi dira Euskadin datozen 10 urteotan sortzen diren hondakinak.

Barredo: “Klima-aldaketa da mahai gainean dugun erronkarik handiena, eta ez da etorkizunerako aldaketa, zoritxarrez, dagoeneko presente dago.”

Sozietate Publikoa Ihobe — Wed, 28 Oct 2020 00:00:00 +0100

Gaur aurkeztu dute, Ficoban, Klima Aldaketari eta Itsasertzari buruzko Mugaz Gaindiko IV. Kongresua. Ekimenak Eusko Jaurlaritzako Ekonomiaren Garapen, Jasangarritasun eta Ingurumen Sailaren babesa du, Ihobe sozietate publikoaren bidez.

Ihobek bitarteko telematikoen bidez izapidetuko ditu ekodiseinuko, ekonomia zirkularreko eta ekoberrikuntzako proiektuetarako laguntzak

Sozietate Publikoa Ihobe — Tue, 29 Sep 2020 00:00:00 +0200

Enpresa interesdunek Ihoberen webgune instituzionalean egin beharko dute eskaera, urriaren 15eko 13:00ak arte.

Europako 35 erakundek parte hartuko dute ICEBERG proiektuan, eraikuntzako eta eraispeneko hondakinak berrerabiltzeko proiektu berritzailea dena

Sozietate Publikoa Ihobe — Mon, 27 Jul 2020 00:00:00 +0200

Proiektuak lau urte iraungo du eta 15.667.498 euroko aurrekontua izango du. Diru horretatik 12.997.935 euro Europar Batasunaren Ikerketa eta Berrikuntza 2020 Esparru Programak ordainduko ditu. EAEko sei erakundek parte hartuko dute programa horretan: Ihobe, Eusko Jaurlaritzako Ingurumen Jarduketarako Sozietate Publikoak, TECNALIA Research & Innovation Fundazioak (partzuergoko koordinatzailea), GAIKER zentro teknologikoak eta Serikat, Lezama Demoliciones eta Viuda de Sainz enpresek. Eraikuntzako eta eraispeneko hondakin ohikoenak erabiliz gaitasun handiko materialak ekoizteko irtenbide berritzaileak ematea da helburua, ekonomia zirkularrean oinarrituta.

Europako Itun Berdea, ekonomia jasangarria bultzatzeko bide-orri bat

Sozietate Publikoa Ihobe — Mon, 20 Jul 2020 00:00:00 +0200

Europako Itun Berdea eraldaketaren sinonimoa da, ingurumena gehiago errespetatzen duen ekoizpen-eremu baten eta lan-aukera zein merkatu-nitxo berrien garapenaren sinonimoa. Laburbilduz, ekonomia jasangarriaren aldeko bultzadaren sinonimoa.

Nolanahi ere, koronabirusaren agerpenak batugai berri bat gehitu dio ekuazioari: oraindik ere sakonera eta iraupen ezezaguna duen krisi ekonomiko bat gainditzea.

Ihobek enpresak bilatzen ditu 50 gazte praktiketan hartzeko, ekonomia zirkularreko proiektu berritzaileetan

Sozietate Publikoa Ihobe — Mon, 06 Jul 2020 00:00:00 +0200

Beka-programa hau gazte-enplegua berraktibatzeko planarean baitan sartzen da, euskal ekonomia Covid-19aren krisiaren ostean suspertzeko.

Ingurumen Sailak Zero Zabor Uretan kanpainarekin bat egin du itsas-kutsadurari buruz sentsibilizatzeko asmoz

Sozietate Publikoa Ihobe — Wed, 01 Jul 2020 00:00:00 +0200

Eusko Jaurlaritzako Ingurumen sailburuorde Elena Morenok parte hartu du gaur goizean ekimena aurkezteko ekitaldian. Bigarren udaz jarraian, “Zaborrik hoberena, sortzen ez dena” lelopean, Hondarribia, Getaria, Ondarroa, Bermeo, Portugalete, Bilbo, Mutriku eta Pasaiako portuetan egongo da

Ingurumen Sailak sentsibilizazio-kanpaina bat abiarazi du maskara eta eskularruen hondakinak behar bezala kudeatzeko

Sozietate Publikoa Ihobe — Thu, 11 Jun 2020 00:00:00 +0200

Kanpainaren leloa “Recoge el guante / Eskularrua jaso” da eta bere xedea Covid-19aren aurkako babes-objektu hauek kaleetan eta espazio naturaletan botatzea saihestea da. Eskularruak eta maskarak etxeko zaborra botatzeko hondar-frakzioko edukiontzira bota behar dira.

“Etxetik ateratzeko unea iritsi da Euskadi jasangarriago batean sartzeko”, Ingurumen Sailaren kanpaina COVID19aren krisitik irteera berdea bultzatzeko

Sozietate Publikoa Ihobe — Tue, 26 May 2020 00:00:00 +0200

Aste honetatik aurrera jarriko da martxan. Sentsibilizazio-kanpaina honek herritarren jarrera jasangarriak bultzatu nahi ditu, susperraldi ekonomikoa lortzeko.

240 baino gehiago pertsona ezagunek susperraldi berde eta jasangarria eskatu diote Kongresuari, krisialditik ateratzeko

Sozietate Publikoa Ihobe — Thu, 21 May 2020 00:00:00 +0200

COVID-19aren krisialdiaren ondorioz zailtasunak nagusi diren garai honetan, 240 pertsonak baino gehiagok bat egin dute Berreraikuntza Sozial eta Ekonomikorako Batzordeari eskatzeko susperraldi-planak jasangarritasun-irizpideetan oinarritu daitezela.

Ezohiko epea ireki da ekodiseinatutako produktuen katalogo handienean parte hartu nahi duten euskal enpresentzat

Sozietate Publikoa Ihobe — Tue, 19 May 2020 00:00:00 +0200

Datorren ekainaren 30era arte, Basque Ecodesign Meeting-BEM 2020ren azken edizioan parte hartu ez zuten euskal enpresek beren produktua sartu ahal izango dute “Made in Euskadi ekodiseinuaren 20 urte” katalogoan, Estatuan argitaratuko den ezaugarri horietako lehena.

Ihobek mila bat tona ebakin plastiko berrerabiltzeko ekonomia zirkularreko proiektu bat diruz lagundu du

Sozietate Publikoa Ihobe — Mon, 18 May 2020 00:00:00 +0200

Ihobek, Eusko Jaurlaritzako Ingurumen, Lurralde Plangintza eta Etxebizitza Sailaren sozietate publikoak, 30.000 euroko dirulaguntza eman dio Auria Solutions Vitoria izeneko Arabako enpresak hasi duen ekonomia zirkularreko proiektu bati, mila bat tona ebakin plastiko berrerabiltzeko. Plastiko horiek automobilgintzako zoruen eta isolamendu akustiko eta termikoen ekoizpenean sortzen dira.

Euskadiko hondakin sanitarioak % 400 hazi dira COVID-19aren ondorioz

Sozietate Publikoa Ihobe — Sat, 16 May 2020 00:00:00 +0200

Martxoaren erdiaz geroztik, joerak gora egin du aurreko urteko data berberarekin alderatuta. Euskal Autonomia Erkidegoak baditu zenbait instalazio hondakin horien tratamendurako, eta bi planta esterilizazioaren bidezko tratamendurako.

Zabortegien eden-defizita ikusita, baldintzak ezarri ditu Ingurumen Sailak zenbait industria-hondakin balorizagarri bota ahal izateko

Ekonomiaren Garapen, Jasangarritasun eta Ingurumen Saila — Thu, 05 Mar 2020 00:00:00 +0100

Ingurumen, Lurralde Plangintza eta Etxebizitzako sailburu Iñaki Arriolak, sinatu duen agindu baten bitartez, “baimendutako eden maximora iritsi” eta Autonomia Erkidegoa jatorri duten hondakinei “lehentasuna emateko” beharrezkoak diren neurri guztiak hartzea eskatu die hondakinak balorizatzen dituzten enpresei. Halaber, behin-behineko debekua ezarri zaie hondakin ez-arriskutsuak kudeatzen dituzten zabortegien titularrei eta zenbait hondakin-korronte sortzen dituzten enpresei: beren balorizazioa gauzatu ezean, ezingo dituzte hondakinak isurketa bidez bota.

Udalsarea 2030ek gida bat argitaratu du ekonomia zirkularra tokiko esparrutik sustatzeko

Sozietate Publikoa Ihobe — Wed, 19 Feb 2020 00:00:00 +0100

Udalsarea 2030 – Udalerri Jasangarrien Euskal Sareak “Ekonomia Zirkularra tokiko esparruan sustatzeko gida” argitaratu du. Gida hori gaur aurkeztu du Jesús Losadak, Ihobe sozietate publikoaren zuzendari nagusiak, “Ekonomia zirkularra sustatzea tokiko esparruan. Ekintzarako gida” izenburupean Bilbon egindako jardunaldiaren baitan.

Ekonomia zirkularrak % 26 murriztuko ditu CO2 emisioak, eta 3.000 enplegu berri sortuko ditu Euskadin, 2030era arte

Sozietate Publikoa Ihobe — Tue, 07 Jan 2020 00:00:00 +0100

Iñaki Arriola Eusko Jaurlaritzako Ingurumen, Lurralde Plangintza eta Etxebizitzako sailburuak Euskadiko Ekonomia Zirkularraren Estrategia aurkeztu du gaur Gobernu Bileran; 2030era begira, Euskadi ekonomia zirkularreko eredura igarotzea sustatzeko eginkizuna du, bai eta Europan erreferentziazko eskualde bilakatzekoa ere, eta, aldi berean, “espero du emaitza positiboak lortzea gure lurraldearentzat hiru eremutan: euskal enpresek produktu zirkularragoetan duten fakturazioa areagotzea, 10.000 milioi eurora arte; 3.000 enplegu sortzea ekonomia zirkularraren eremuan, eta % 26 murriztea kontsumoari lotutako karbono-emisioak”.

Ihobek bere 2020ko egutegi korporatiboa argitaratu du, Nazio Batuen Erakundearen Garapen Jasangarriaren Helburuetan inspiratuta

Sozietate Publikoa Ihobe — Wed, 18 Dec 2019 00:00:00 +0100

Eusko Jaurlaritzako Ingurumen, Lurralde Plangintza eta Etxebizitza sailaren mende dagoen Ihobe sozietate publikoak beste urte batez argitaratu du bere egutegi korporatiboa, 2020. urterako. Oraingoan, Nazio Batuen Erakundeak sustatzen dituen Garapen Jasangarriaren Helburuetan (GJH) dago inspiratuta. Halaber, Saileko gainerako erakunde publikoek ere –Uraren Euskal Agentzia-Ura, Alokabide eta Visesa- bat egin dute ekimen horrekin.

"Birziklapenean jaioak gara" kanpainaren edizio berri batek modu arduratsuan kontsumitzera eta hondakinak bereiztera animatzen ditu herritarrak

Sozietate Publikoa Ihobe — Wed, 13 Nov 2019 00:00:00 +0100

Eusko Jaurlaritzako Ingurumen, Lurralde Plangintza eta Ingurumen sailburu Iñaki Arriolak, Arabako Foru Aldundiko Ingurumen eta Hirigintzako diputatu Josean Galerak eta Gipuzkoako Foru Aldundiko Ingurumeneko eta Obra Hidraulikoetako diputatu José Ignacio Asensiok “Birziklapenean jaioak gara” kanpainaren 2019ko edizioa aurkeztu dute gaur goizean; ekimen honen helburua da herritarrak sentsibilizatzea eta ekonomia zirkularraren prozesuetan inplikatzea, kontsumo arduratsuaren bidez eta sortzen dituzten hondakinak gehiago eta hobeto birziklatzearen bidez.

Iñaki Arriola: "Euskadi Hego Europako erreferente bat da ekonomia zirkularraren ikuspegia industriaren alorrean aplikatzeari dagokionez"

Sozietate Publikoa Ihobe — Mon, 07 Oct 2019 00:00:00 +0200

Eusko Jaurlaritzako Ingurumen, Lurralde Plangintza eta Etxebizitza sailburu Iñaki Arriolak azpimarratu du “Euskadi Europako Hegoaldeko erreferente bat dela, gaur egun, ekonomiaren ikuspegi zirkularraren garapenari dagokionez, batez ere industriaren alorrean; lidergo hori prozesu industrialen efizientziaren hobekuntzan eta ekoidiseinuan egindako ibilbide luzeari esker lortu du, betiere lankidetza publiko-pribatuaren eskutik”. Arriola sailburuak ISWA 2019 nazioarteko konferentzia irekitzeko hitzaldian egin ditu adierazpen horiek. Hondakinen kudeaketari eta ekonomia zirkularrari buruzko topaketa horrek sektoreko 1.200 aditu bilduko ditu Bilbon hiru egunetan.

Elena Moreno: "Garapen Jasangarriaren Helburuak gureganatu ditugu euskal ongizate eredua inspiratzeko"

Ekonomiaren Garapen, Jasangarritasun eta Ingurumen Saila — Wed, 25 Sep 2019 00:00:00 +0200

Elena Moreno Eusko Jaurlaritzako Ingurumeneko sailburuordeak The Hub foroan parte hartu du gaur goizean, hots, New Yorkeko Klima Astearen baitan antolatutako goi mailako foro batean. Bertan, 600 lider politiko eta ekonomiko baino gehiago aurrean zituela, klima-krisiari aurre egiteko xedez Euskadik hartu dituen neurriak aurkeztu ditu. Sailburuordeak bereziki azpimarratu du Nazio Batuen Garapen Jasangarriaren Helburuen (GJH) garrantzia, euskal ekintza politikoaren ardatz gisa, eta orain dela hamarkada bat baino gehiago Eusko Jaurlaritzak diseinatu zuen plangintza estrategikoaren balioa nabarmendu du. Asmoa da jasangarritasunerantz aurrera egitea, pertsonak erdigunean jarrita.

Lehendakariak klima-aldaketaren larrialdiari buruzko adierazpen instituzionala irakurri du

Eusko Jaurlaritza — Tue, 30 Jul 2019 00:00:00 +0200

Iñigo Urkullu Lehendakariak, Eusko Jaurlaritzako sailburuak ondoan zituela, irakurri du Gobernu Kontseiluan onartutako Larrialdi Klimatikoari buruzko Adierazpen Instituzionala. Adierazpen horretan nabarmendu du klima-aldaketaren aurkako borroka mundu-erronka dela, eta guztion ardura dela, batez ere herritarren eskariak eta premiak hobe ezagutzen dituzten hurbileneko erakundeena. Hartara, lehendakariak nabarmendu du Eusko Jaurlaritzak bat egin duela adierazpen horrekin eta, aldi berean, berretsi duela Klima 2050 klima-aldaketako estrategiarekin eta Energia Estrategia2030 estrategiarekin hartutako konpromisoa. “Guztiz sinetsita gaude Euskadik erronka hori gida dezakeela, eta klimatikoki neutroa izango den ekonomia lehiakorrago baterako transformazio-palanka bihur dezakeela erronka hori” eman du aditzera.

Zero Plastiko Urdaibai ekimenak 8 tona hondakin bidu ditu Urdaibaiko Biosferaren Erreserban

Sozietate Publikoa Ihobe — Tue, 11 Jun 2019 00:00:00 +0200

Ingurumen, Lurralde Plangintza eta Etxebizitza sailburu Iñaki Arriolak atsegin handiz baloratu du gaur goizean Urdaibaiko itsasertzean eta Erreserbako barruko hainbat puntutan herritarrek burutu duten plastikoen bilketa. Arriolaren hitzetan, “mota guztietako 8 tona hondakin eta plastiko bildu dira eta parte hartu duten pertsoneko konpromiso handia erakutsi dute jardunaldi osoan zehar”.

Medikamendu-ontzien birziklapena % 6 hazi da batez beste Euskal Autonomia Erkidegoan azken bost urteetan

Sozietate Publikoa Ihobe — Thu, 06 Jun 2019 00:00:00 +0200

Medikamendu-ontzi hutsen zein medikamendu-hondarrak dituzten ontzien birziklapena, SIGRE puntuei esker, % 6 hazi da batez beste Euskal Autonomia Erkidegoan azken bost urteetan zehar. Hala jakinarazi du gaur goizean Eusko Jaurlaritzako Ingurumeneko sailburuordeak, Elena Morenok, Arabako Sendagaigileen Elkargo Ofizialeko presidente eta Euskal Autonomia Erkidegoko Farmazi Kontseiluko presidenteordearekin, Milagros López de Ocárizekin, eta SIGREko zuzendari nagusiarekin, Juan Carlos Mampasorekin, batera.

2.500 boluntariok eta 300 urpekarik parte hartuko dute datorren ekainaren 8an Urdaibaiko itsasertzean egingo den hondakinen bilketa handian

Ekonomiaren Garapen, Jasangarritasun eta Ingurumen Saila — Wed, 29 May 2019 00:00:00 +0200

Udalek komunitateko konpostaje-instalazioak erregistratu beharko dituzte

Sozietate Publikoa Ihobe — Mon, 27 May 2019 00:00:00 +0200

Komunitateko konpostaje-instalazio eta jarduera publikoak eta pribatuak dagokien udaleko jarduera sailkatuen erregistroan jaso beharko dira. Hala exijituko du Eusko Jaurlaritzak apirilean onartu zuen dekretuak, zeinak instalazio horien araubide juridikoa eta baldintzak teknikoak jasotzen baititu.

Agertzen ari diren kutsatzaileei buruzko euskal proiektu bat saritu da Hondakinen Prebentziorako Europar Astean

Sozietate Publikoa Ihobe — Wed, 22 May 2019 00:00:00 +0200

“Agertzen ari diren kutsatzaileak. Eta haiek agertu arte itxaroten ez badugu?” izeneko euskal proiektua, IMQ Zorrotzaurre klinikarena, izan da irabazlea Hondakinen Prebentziorako Europar Asteko sarien “Enpresak eta Industria” kategorian. Pasa den astean eman ziren sariak, Eskualdeen Europako Batzordeak Bruselan duen egoitzan. Proiektu hori beste bostekin batera aukeratua izan da, 30 herrialdek baino gehiagok bidalitako 14.000 proposamen baino gehiagoren artetik. Gainera, proiektu horrek 2019ko apirileko jardunbiderik onenaren aitorpena lortu du, aipatutako ekimen europarraren partetik.

Bi euskal ekimen Europan lehiatuko dira murrizketaren, berrerabilpenaren eta hondakinen birziklapenaren gaineko sari bat irabazteko

Sozietate Publikoa Ihobe — Tue, 16 Apr 2019 00:00:00 +0200

Gipuzkoako Foru Aldundiak eta Biboko Zorrotzaurre IMQ osasun-zentroak bi proiektu aurkeztu dituzte, eta hautatuak izan dira Hondakinak Prebenitzeko Europako Asteko sarietan aurkeztutako 14.347 ekintzen artean, eta beste 13 finalistarekin lehiatuko beharko dira, Administrazio Publikoaren eta Enpresaren kategorietan, hurrenez hurren.

Ingurumeneko sailburuorde Elena Morenok ekonomia zirkularraren estrategia aurkeztu dio ingurumen-sektoreari Toledon

Sozietate Publikoa Ihobe — Wed, 03 Apr 2019 00:00:00 +0200

Ingurumeneko sailburuorde Elena Morenok eta Ihobe - ingurumen jarduketarako sozietate publikoaren zuzendari nagusi Jesús Losadak gidatzen dute Conama Localen parte hartzeko xedez Toledora joan den Eusko Jaurlaritzaren ordezkaritza. Conama Local garapen jasangarrirako politikak bultzatzearen alde tokiko eta eskualdeko erakunde eta gobernuetan lan egiten duten profesionalen urteko topaketa da.

Change the Change konferentzia Berdeago azokan aurkeztuko da, hau da, ingurumen-jasangarritasunaren euskal azokan

Sozietate Publikoa Ihobe — Fri, 01 Feb 2019 00:00:00 +0100

Ihobe, Eusko Jaurlaritzaren ingurumen-jarduketarako sozietatea, Durangon (Bizkaia) egongo da datozen bi asteburuetan, Berdeago azokan; bertan, stand baten bitartez, ezagutzera emango du bere Ekoetxea ingurumen-zentroen sarearen jardueren eskaintza zabala eta, bereziki, martxoaren 6tik 8ra Donostian egingo den ‘Change the Change’ Klima-aldaketari buruzko Nazioarteko Konferentzia aurkeztuko du.